Festival Internacional
SINGULAR 2026

A edición 2026 do Festival Internacional Singular consolida a súa traxectoria como plataforma de encontro entre a cidadanía de Narón e as creacións das compañías galegas e internacionais. Propostas que este ano atenden especialmente a novas correntes creativas e temáticas sociais de actualidade.

SINGULAR é un festival consolidado no panorama cultural de Galicia e afiánzase coma un evento único no país, non só pola súa calidade artística, senón tamén polo seu compromiso coa cultura no ámbito das artes escénicas. Singular é un festival que serve de plataforma de exhibición e de encontro para as compañías galegas que teñen, durante eses días, un diálogo intercultural entre os e as axentes internacionais que vos dades cita en Narón.

Esta edición, a número XI, vén marcada pola programación dun variado menú de propostas escénicas unipersoais, a maioría de creadoras femininas, moitas de carácter social e cun compromiso artístico coa infacia. A formación e o encontro entre profesionais, fai de Singular un festival útil é dinámico. Programáranse dezaseis propostas escénicas; doce espectáculos, dentro dos cales, oito están destinados a público adulto e catro a público infantil, dous encontros sectoriais e tres obradoiros impartidos por creadoras cun amplo percorrido internacional.

Este ano, poñemos o foco tamén na accesibilidade en dúas propostas escénicas.

Marián Ferreiro
Alcaldesa de Narón